فؤاد المهندس.. الضحكة التي علمت أجيال

صفاء مصطفى

في ذكرى ميلاد فؤاد المهندس الأستاذ الكبير اللي علّمنا يعني إيه الكوميديا تبقى راقية وفيها رسالة نفتكر مواقف كتير تثبت قد إيه كان إنسان قبل ما يكون فنان.

من المواقف اللي دايما بتتحكي عنه إنه كان بيحب يحضر العروض المسرحية حتى بعد ما يسيب المسرح وكان يقعد وسط الجمهور عادي جدا وفي مرة شاف شاب صغير متوتر وهو داخل يمثل لأول مرة، فؤاد المهندس راح له وقال له بمنتهى البساطة: 

"اعتبر نفسك واقف قدام صحابك.. الجمهور جاي يضحك مش يهاجمك." الجملة دي كانت كفيلة إنها تغير موقف الممثل الصغير والنهاردة الراجل ده بقى نجم معروف

المهندس ماكانش بيصنع ضحكة وخلاص كان بيصنع ثقة وأمل وده السبب إنه لحد النهاردة اسمه بيضحكنا ويدفينا في نفس الوقت.

رحم الله الفنان الكبير فؤاد المهندس