الأخلاق زينة النفس وثمارها الطيبة .. سطور بقلم هبة أبو المجد

كتبت : هبة حسن أبو المجد 

"الأخلاق هي زينة النفس، وثمارها الطيبة تظهر في كل تصرف."

وبعد كل الاحداث والحوادث اللي شاهدناها الفتره السابقه جه الوقت ناخد بالنا ونتمسك باخلاقنا وديننا وقيمنا ونرجع لاصلنا من تاني .

نرجع للحلال والحرام بدل من الانحلال والتدني.

.اوعي تقبل بالتجاوزات من اولادك وتستهون بالالفاظ السيئه اللي بتصدر منهم حتي ف وقت عصبيتهم لأن ده الوقت اللي هيظهرلك هما متعودين يقولوا ايه ولسانهم واخد ع ايه وهما طبيعيين.

.راجع نفسك وحاول تربيهم تربيه حازمه متوازنه لكن من غير قسوه وعنف .

.اقعد معاهم واحتويهم واتكلم معاهم واسمعهم والتعرف ع اصحابهم واستفسر عن خناقاتهم وخناقات أصدقائهم عشان تكون متابع معاهم ورقييب عليهم مش مراقب عشان تفرق كتير .

.معظم العنف والعدوانية اللي انتشرت ف المجتمع سواء اطفال او كبار أساسها التربيه والعوامل الأسريه والاهمال والعنف والحياه الغير متوازنه القاسيه الغير داعمه .

حتي المشاكل النفسيه والاضطرابات سواء القلق أو الخوف أو الاكتئاب بيكون أسبابها التربيه والنشأه .

خلينا نبطل نقول اللي يضربك اضربه لااااااا. فيه مسؤل وفيه كبار وفيه قوانين ف المكان اللي موجودين فيه ايا كان مدرسه نادي أو حتي ف الشارع ..

.جه الوقت اللي نقول فيه متزعليش صوتك عشان باباك موجود عشان عمك قاعد ونعمل احترام للكبار عشان صدقني هتفرق بعدين .

.جه الوقت نرجع نحترم فيه المدرس مش بفلوسي وهو شغال عندي لا ابدا اكيد واخدين بالكم من الأحداث اللي بتحصل .

.حط حدود واضحه وقواعد ف بيتك وخليك انت قدوه حسنه وعزز السلوك الصح الإيجابي واخلاق جو من التوازن والدعم والمساندة .وعلمهم حل المشكلات واللجوء للكبار وعزز عندهم الشعور بالأمان والانتماء والرغبه ف وجودهم صدقني هتفرق كتير .

الاخلاق الحميده هي ما يرفع به مكانه الإنسان ف الدنيا والاخره وتجعله محبوبا مقبولا بين الناس. 

من هي هبه حسن ابوالمجد ؟

معالج نفسي وسلوكي واستشاري الصحه النفسيه والإرشاد الأسري والتحفيز الإيجابي ورئيس لجنه الدعم النفسي لمحافظات وجه بحري لمبارده احنا قدها 

المستشار الاعلامي لراديو ستار لايت 

نائب منسق عام محافظة السويس لكيان اراده شباب مصر 

عضو ف جامعه الشباب العربي الافريقي