أسوء ما تفعله في حق نفسك.. بقلم د هبة أبو المجد
بقلم / د هبة حسن أبو المجد
خليني اقولك أن اسوء حاجه ممكن تعملها ف حق نفسك انك تشوه سمعه غيرك أو تحاول تشويه صورته سواء رجل أو ست وتقوم بقذف المحصنات سواء بالحق أو بالباطل .
اوعي تستهون بالذنب الكبير ده لأنه عقابه كبير جدا ف الدنيا والاخره .
وبعد انتشار الفعل ده بين الناس جه الوقت اللي نستعد فيه ع القضاء ع الظاهره البشعه دي .
اوعي تسمع حكايه وقصه عن سمعه حد واعي تصدق حاجه مشو فتهاش بعينك ولو الموضوع يخص الزواج اسال مره واثنين وتلاته واتحقق من الموضوع بنفسك واقعد مع الشخص نفسه واستفتي قلبك وساعتها هتعرف تاخد قرار صح .
دايما متصدقش غير اللي بتشوفه من الشخص مش من اللي بيتقال عنه .
خلو بالكم من الحكاوي الصغيره لأنها بتعمل ذنوب كبيره سدو ودانكم وابتعدوا بنفسكم
ونصيحه اخيره مني ليك ..
احترم خصوصيه الآخرين واوعي تنشر أو تتبادل معلومات عن حد ممكن تضرهم عن دون قصد .
والتأكد من الحقائق لو الموضوع يخصك ولو عندك مشكله مع شخص حاول التواصل معاه بشكل مباشر لحل الخلافات بدل اللجوء إلي تشويه سمعته أمام الآخرين .
اتمني السلام والأمان يعم ع قلوبنا جميعا ونتحلي بالتسامح ونتقبل اختلافات بعض وان نسعي لتحسين علاقتنا بدلاً من هدم العلاقه وتشويه صوره الآخرين .
معلومات عن هبه حسن ابوالمجد
معالج نفسي وسلوكي واستشاري الصحه النفسيه والإرشاد الأسري والتحفيز الإيجابي ورئيس لجنه الدعم النفسي لمحافظات وجه بحري لمبارده احنا قدها
مستشار اعلامي لراديو ستار لايت
تعليقات
إرسال تعليق