الزوج هو البطل الذي يجعل من كل يوم معك مليء بالأمل والفرح .
الزوج هو البطل الذي يجعل من كل يوم معك مليء بالأمل والفرح
شكرا لوجودك ف حياتي معك يمكنني أن أواجه كل شيء والتغلب ع اصعب المواقف .
عزيزتي الزوجه الجمل التحفيزية تشجع الزوج ع التطوير والترميم ف علاقاتكم ببعض خصوصا لو كنتي بتقوليها بصدق وإخلاص اللي بيخرج من القلب بيوصل للقلب مباشره .
وانهارده خلوني ارد ع سؤال من احدي المتابعين ...
زوجي عصبي جدا ومش بعرف اتعامل معاه ونفسي يهدي ويتعامل معايا بهدوء ومش عارفه اعمل ايه ؟
وهنا بقي يجي دور الجمل التحفيزيه اللي هتبداءي تكرريها بمنتهي الحب والود وانتي عندك رجاء وامل من ربنا أنه يألف مابين قلوبكم....
مع بعض النقاط دي لو نفذيتها واتبعتيها هتفرق كتير جدا معاكي وف حياتكم سوا ....
وقت العصبيه مهم جدا انك تكوني هاديه وتتحلي بالصبر لأن الرد ف وقت العصبيه بيكبر الموضوع .
الاستماع بصدق خليكي دايما عارفه أن الشخص العصبي معظم الأوقات بيكون محتاج حد يسمعه ويتعاطف معاه فحاولي تفهمي الأسباب وراء غصبه ..
تجنبي الجدال ف لحظات الغضب ناجل اي نقاش أثناء نوبه الغضب مش مناسب ابدا الوقت ده لإيجاد حلول التزمي الهدوء اولا
التواصل الهادي بعد اما يهدأ الزوج حاولي تتكلمي معاهم بهدوء وشرح مشاعرك وافكارك بطريقه غير هجوميه ومن غير ماتنتقدي أسلوبه أو طريقته ابدا .
مهم جدا تفهمي اسباب العصبيه ايه لان ممكن يكون قله نوم أو إرهاق او ارق أو مشاكل خاصه بالعائلة أو بالعمل أو بالاسره وممكن يكون معاناه جسديه وصحيه مثلا الآلام القاولون والمعده وارتفاع ضغط الدم أو انخفاضه وهكذا ممكن يكون العصبيه ليها اسباب كتير جدا لو حاولتي تعالجيها هتوثلي لجوده حياه افضل بكتير وساعتها هتحسي انك ناجحه وسعيده كمان ..
نصيحه اخيره للزوج والزوجه ..
إياكم والخصام بسببه بتتهدم بيوت وبيتكسر قلوب وبيحصل جفا وبعد وكراهية لكل مشكله حل وطول ما احنا عايشين نبقي باقيين ع حياتنا مع بعض بدوه خصام أو جفا أو قسوه وعنف الحياه فيها الكثير من الصعاب نحاول نخفف ع بعضنا عبء الحياه ...
وخليكي دايما فاكره أن الزوج هو البطل اللي هيجعل كل يوم معاكي مليء بالأمل والفرح .
وان التعاون والحب والتعاطف والتسامح هي مفاتيح لبناء حياه مليئه بالنجاح والسعاده ..
دمتم بخير وسلام وسعاده .
نبذة عن دكتورة هبه حسن ابوالمجد
معالج نفسي وسلوكي واستشاري الصحه النفسيه والإرشاد الأسري والتحفيز الإيجابي ورئيس لجنه الدعم النفسي لمحافظات وجه بحري لمبارده احنا قدها
المستشار الاعلامي لراديو ستار لايت.
تعليقات
إرسال تعليق