امام عاشور ضيف رامز جلال ببرنامج "رامز إيلون مصر"

صفاء مصطفى 

استقبل الفنان رامز جلال  نجم كرة القدم إمام عاشور ضيفا على حلقة اليوم من برنامج "رامز إيلون مصر" المذاع عبر قناة MBC مصر

 بمقدمة ساخرة قال فيها: "معانا لاعب على الأهلاوية غالي، وجمهور الزمالك من بعده بيلالي، عيل كياد كل يوم بمشكلة، يلم عيال بلطجية ويروح يتخانق في مول".

رامز: "حد يعمل مشاكل مع العميد، الراجل اللي قلبه أبيض، ومش عايز أتكلم على العلاقات وأقصد الفتيات المزات، المكلبظات منهم والرفيعات، وأكيد كلنا شوفنا اللايفات، نصيحة مني، اللي كان بيحصل في النادي القديم ما ينفعش يحصل في نادي صالح سليم، معانا صاحب موقعة البلونة، اللي كل حركاته مجنونة".

وسخر رامز من إطلالة إمام عاشور عقب وصوله قائلا: "إيه قصبة الرجل اللي إنت خارج بيها دي، تحس إنه خارج من بيضة، يخرب بيت زوقك لابس جاكت كومسارية. الواد إمام عينيه جاحظة أوي زي عيون السمك".

رامز "دقنه مدببة عاملة زي دقن أخناتون، وفي لاعب كورة كبير يلبس الجزمة دي، أومال منة فضالي تلبس إيه، والتسريحة من قفاه تحس إنها خوذة الرومان".

ويبدأ المقلب فعليا عندما تتم دعوة الضيف أو الضيفة إلى المشاركة في اختبار اختراع طبي لأحد متسابقي المواهب، وهو "روبوت" يعمل بالذكاء الاصطناعي، يمكنه إجراء فحص طبي شامل للمريض خلال 10 دقائق.

و يكون رامز جلال قد تم استبداله بشخص آخر خلال فقرة إحدى المواهب، ليعود للظهور على المسرح بشخصية الروبوت "زنجباري"، ويبدأ عندها المقلب واختبار قوة تحمل الضيف المربوط في سرير دوار، ويستكمل رامز المقلب بعد الكشف عند نفسه.

وتضم قائمة ضيوف برنامج "رامز إيلون مصر" عددا كبيرا من نجوم الفن والرياضة والإعلام، ومنهم فيفي عبده، وأحمد فهمي، ومحمد رجب، ونور النبوي، وأحمد العوضي، ومصطفى أبو سريع، وحسام حبيب، ومحمد عبد الرحمن، ومصطفى غريب، ونور إيهاب، وحاتم صلاح، ومن لاعبي كرة القدم إمام عاشور، وأشرف بن شرقي، وناصر منسي، ودونجا، وطاهر محمد طاهر.